El Zika nous z’aute

      Radiatian des moustiques - El Boute

D’ain seul coup, té panique, té prie l’ban Diu èd t’épargner cèl douleur, oben té critique les z’hanmes politiques d’pan avoir fait lu travail, pi té d’dépêche èd pin’llser à aut’chose can’me par eximpe, d’aller faire tin’ tit tour des bistrot ain période èd Carnaval…
Mi j’veille èt dire quique chose : t’as bien raisan d’pan arsasser et d’rester affaleille can’me ain’ne langue vièle dévant l’télé pasque des mécants moustiques yn’n’éra pétète bétôt pu sul terre…
Ynna ain’ne équipe èd grosses têtes (ain Autriche, y z’ant pan qu’des brèles) qui z’ant inventeille ain moyen d’éliminer les moustiques.
O seille qu’les femelles moustiques (ynna pan qu’yèle 😉 al sant les plus mécantes pasqu’al zant bézwon’lle èd sang pour pouvoir nourrir lu progéniture. Ben, les cherchèw èd Seibersdorf y zant ayèw l’ideille d’attaquer les moustique par les mwon’lle mécants: les mâles. Y zant déjà inventeille ain’ne façan d’trier les mâles et les femelles pour pouvoir s’occuper juss des mâles. O fait ain’tite radiatian aveuc du cobalt 60 oben des rayans X pendant qu’ils sans cor à l’état d’nymphe : ça fait l’mainme effet sur les moustique qu’ain’ne capote anglaise : y perd pan s’n’énergie mais ain plus, y fait pan d’gamin’ll viabe. Du coup, el femelle al pond des z’oeufs qui pourrant pan s’arproduire.
Cel technique al a déjà éteille utiliseille pour éliminer el mouque du melon à Okinawa au Japan et pis el mouque tsé-tsé ain Tanzanie. Al a l’avintage d’yète mwon’lle nocive pour les z’hanmes qu’les z’insecticides.
Du coup aussi, o lutte cantère les virus canme el chicoun’ngounia, el dingue oben nous fameux Zika…
Voyez qu’ynna cor èd l’espoir !
O peut danc canter l’cansan
“Dans nous Zika nous z’aute…”

ès t'article il peut yèt cor lu ain : Français